• Sabtu, 4 Desember 2021

Tol teh Ibarat Telepon, Panyambung jeung Pamisah

- Senin, 20 September 2021 | 07:35 WIB
Tol Ibarat Pemisah
Tol Ibarat Pemisah






Inget mangsa katukang, yen putusna silaturahmi kuring jeung manehna, alatan telepon. Nya dina telepon pisan muragkeun basa nu tungtungna papisah. Papisah salawasna.





Aya kasedih, aya kakeuheul ka telepon teh. Coba lamun teu aya telepon, moal aya pacongkedan, moal aya masalah. Masalah leutik moal jadi gede. Ku alatan telepon sok silih otelan. Da kesel lamun teu otel, na tungtungna masalah leutik jadi gede, nu antukna papisah.





Tapi, ku jalaran telepon oge, kuring ngahiji.





Biasa, nu awalna nanya basa basi, nu akhirna jadi deukeut beneran. Ngahiji. Pacantel ati, nepi ka tahunan.





Jadi telepon teh bisa ngahijikeun, bisa oge ngajauhkeun. Bisa nyambungkeun atawa bisa oge misahkeun.





Nah tol oge sarua. Jalan tol bisa nyambungkeun, bisa oge misahkeun.





Kabayang baheula lamun ti Sumedang ka Jakarta, sok naek beus Medal Sekarwangi. MS (baca: em es), ngaranna. Eta beus jalanna ka Cileunyi tuluy ka Cianjur, ngaliwatan Bogor bras nepi ka Jakarta. Lilana bisa sapoe jeprut, komo lamun ditambah macet di Puncak.





Kabayang nu jual asong rabul, silih ganti. Nu ngamen gunta ganti, nu mabok perjalanan dikeresekan hideung, bau kesang nu ngaliwat atawa tatanga sabangku tea, sagala aya. Komo lamun panas entrang-entrangan, kacida hareudang bayeungyangna. Kumplit. Sagala rasa aya, nepi ka bau minyak angin kayu putih ngahiliwir, ti bapa-bapa nu mimiti lieur mabok perjalanan.





Jalan panjang berliku teh aya romantismeuna. Kiwari tingal kenangan. Jati kasilih kujunti. Jalan panjang berliku nu pinuh romantika tadi, eleh ku jalan tol.





Kiwari ka Jakarta cukup sababaraha jam. Asup ka tol Cileunyi, teu sawatara lila geus nepi deui ka Jakarta. Teu nepi ka terminal Cililitan atawa ka Kampung Rambutan heula lamun mawa mobil sorangan mah, langsung bisa nepi kanu dituju.





Tol bisa ngadeukeutkeun waktu tempuh, lain ngadeukeutkeun jarak. Da ari jarakna mah angger, ngan waktu tempuh jadi sakeudeung.





Mimita aya tol teh, nyaeta tok Jagorawi. Ayeuna mah ti Papua ka Papua Barat oge aya tol. Padahal baheula mah ku asa pamohalan aya tol. Tapi ku kahayang nu ngagugudur pamingpin urang, akhirna jalan trans Papua teh ngawujud.





Tapi kitu tea, ku alatan jalan tol, bisa nyambungkeun jeung bisa misahkan.





Bareto barudak masih sok ulin babarengan da sakampung. Kampungna Pasigaran. Maen ucing sumput, maen kaleci, atawa sholat magrib teh sok babarengan di tajug nu sarua. Tapi saprak aya jalan tol, kabiasaan eta jadi leungit. Asa jauh pisan ku ayana tol teh, komo lamun teu dipangnyieunkeun jalan penghubung.





Tol teh ibarat telepon, bisa nyambungkeun, bisa oge ngajauhkeun. Sagalama tergantung kana imajinasi urang. Aya imajinasi hade, aya imajinasi goreng. Cag!


Halaman:

Editor: Asep D Darmawan

Terkini

Halu dan Tikukur

Rabu, 1 Desember 2021 | 07:27 WIB

Pariwisata dan Parkir

Minggu, 21 November 2021 | 08:14 WIB

Nge-Branding itu Tidak Mudah, Kawan!

Sabtu, 6 November 2021 | 19:52 WIB

Normal atau Serasa Normal

Minggu, 3 Oktober 2021 | 20:47 WIB

Perubahan Warisan Budaya Jatigede

Sabtu, 25 September 2021 | 15:54 WIB

Kekuatan Imajinasi

Selasa, 21 September 2021 | 07:26 WIB

Tol teh Ibarat Telepon, Panyambung jeung Pamisah

Senin, 20 September 2021 | 07:35 WIB

Imajinasi, Pengetahuan dan Pencapaian

Minggu, 19 September 2021 | 09:08 WIB

Sistem Giliran Ojek Pangkalan dalam Organisasi

Selasa, 14 September 2021 | 07:06 WIB

Cilor, PTM dan PTMT

Jumat, 3 September 2021 | 07:00 WIB

Banjir dan Kemandirian

Kamis, 2 September 2021 | 07:00 WIB

Tunggul Hideung dan Mimpi

Rabu, 1 September 2021 | 08:26 WIB

Sumedang Pasti Bisa, Manajemen Sentuhan Hati

Sabtu, 28 Agustus 2021 | 05:00 WIB

Waspada!

Kamis, 26 Agustus 2021 | 07:00 WIB

PPKM versus Merdeka

Selasa, 24 Agustus 2021 | 06:52 WIB

Mati Ketawa ala Ganjar, Mau Sindir Siapa?

Sabtu, 21 Agustus 2021 | 06:56 WIB
X