• Rabu, 26 Januari 2022

Katineung Hamo Teuleum Kakeueum

- Selasa, 21 Januari 2020 | 09:14 WIB
Mengenang Jatigede
Mengenang Jatigede

Lain teu hayang mawa loba, ukur tilu lambar papan nu panjangna dua mèter satengahan. Teu pira sabenerna mah, ongkoh papan kai randu, tapi karasana beurat kacida sabab dibawana ti deukeuteun beungeut cai walungan tuluy dipanggul bari nanjak nètè rèbuan tangga.


Kèsang ngagarajag, basa nepi satengaheun tanjakan. Reg sakeudeung, narik ambekan. Ngècagkeun nu dipanggul. Rèt ka luhur, jauh kènèh. Rèt ka handap, lungkawing. Bubuhan geus biasa, jadi teu ieuh boga kainggis.


"Hey …!" ceuk nu ngagero ti luhur bari nunjuk ka kuring.


Teg, nepi ka luhur pasti dicarèkan. Deuh!


Gap, papan. Regeyeng, dipanggul deui. Beuki lila beuki luhur, bitis karasa beuki beurat dilèngkahkeun. Taktak mah geus puguheun nahan beuratna papan nu asa robah lir kai golondongan.


Anjog ka luhur, manèhna nyampeurkeun. Pok nyarita,
"Kamu …, tidak bagus!" molototan bari kokoronyoh makè basana.
"Maaf, Mister," nèmbalan disela ambekan nu ngahègak.
"Cao ni ma!" cenah. Laju ngalèos.


Asa nyeri hatè, mun geus dikitukeun tèh. Enya ogè teu nyaho naon hartina èta omongan. Nu puguh mah, meureun mangrupa ungkara kaambek jeung kakeuheul manéhna jeung batur sabangsana, apal sotèh tina cara jeung pasemon waktu ngomongna. Bangun nu ceuceub.


"Kunaon Si Yè, makè jeung popolotot kitu?" tanya Mang Caryam.
"Biasa, Mang … Baèlah, antepkeun!"
"Leuheung ukur dipolototan, uing mah kamari ampir-ampiran, tah!" Caryadi nu keur nyabutan paku, mairan.
"Tènjrag sakali-kali mah, tuman!" ceuk Si Lontok bari ngalungkeun papan kana tumpukan.
"Can parna, tapi mun geus kamalinaan mah, kakara kumaha engkè." Kuring nèmbal bari memener papan nu patingsolèngkrah.


"Hey! Kamu, bawah!" Mister Yè geus buncelik deui bari nunjuk ka landeuh. Nitah nuluykeun nyokot papan deui maksudna mah meureun.
"Anjrit, tèh!" Kuring kukulutus bari ngoloyong mudun.

Halaman:

Editor: christianleibius

Tags

Terkini

5 Tahapan: Cara membuat Kontak WA Jadi Prioritas

Rabu, 12 Januari 2022 | 13:30 WIB

Menimbang Urgensitas Pembangunan Jalur Kereta Api

Kamis, 7 Oktober 2021 | 07:53 WIB

Negara Berperan dalam Menjaga Keutuhan Keluarga

Senin, 6 September 2021 | 16:00 WIB

Pernikahan Publik Figur Islami

Kamis, 19 Agustus 2021 | 17:47 WIB

Sumedang dalam Inmendagri No 27 Tahun 2021

Rabu, 4 Agustus 2021 | 10:28 WIB

Keagungan Sistem Islam Memuliakan Anak Yatim

Selasa, 3 Agustus 2021 | 18:20 WIB

Begini Cara Pelaku Wisata Sumedang Lakukan Protes

Selasa, 3 Agustus 2021 | 17:51 WIB
X